Daki shib ande profundoski skola

Skellefteå komuna den tut sicarimos ande daki shib khatar e klasa 1-9. O sicarimos si pala skolako plano pe daki shib pala o svedisko skolako sicarimasko plano, LGR 22, ciri glata musaj te avel la profunosko zanglimos ande shib ke musaj o elevo te biril te del duma peski daki shib te saj avel ande klasa. So kamas te phenas so si profundosko zanglimos si ke ciri glata trubol te asharel aj te avel aktivno ando sicarimos, te asharel vushoro mujesko instrukatcija aj te biril te del duma pa zeli kaj si svako dzes

Glata kaj si nationelno minoriteto kaj kamel te ginel finishitsa, jiddisch, meänkieli, romani shib vaj samiska si len inke maj baro cacimos kaj sicarimos kaj daki shib. Si duj skolake planori pe godola shiba :

  • Daki shib sar angluni shib kaj si musaj o elevo te del duma peski shib.
  • Daki shib kaj si sar dujto shib aj khote naj zor te avel len zanglimos, gin khate/webrig

Naj zor te les tut ande sicarimos ande daki shib, numa kana la pe e glata po sicarimos musaj te phirel zi kana getol vaj te len pe avri aj o skamin zal kaj jekh kaver zeno.

Cacimos kaj daki shib pala o skolako zakono aj skolako reglori

Jekh studento shaj lel sicarimos ande daki shib te:

  • Te si jekh vaj vi le duj, tad aj dej kaj den duma jekh kaver shib khatar sveditska sar daki shib
  • O elevo si les profundosko zanglimos ando aktuelno shib
  • O elevo del duma peski shib svako dzes khere*
  • Te si sar maj sera panz elevori kaj kamen sicarimos ande shib ande komuna
  • Te avel jekh sicaritori ande aktuelno shib

*Adoptivno glata chi trubol te avel les zanglimos ande shib sar daki shib ando kher. Numa e glata trubol te avel la profundosko zanglimos ande shib.

O gindo mit o sicarimos si te das kaj elevo chansa te barol aj te haznil peski shib. Daki shib si la baro punkto ande glataki shib, identiteto, manushesko- aj gindosko zanglimos. Jekh dista lasho daki shib sikhavel ke sicol maj but sveditska, kaver shiba aj kaver sicarimata.

O sicarimos site avela kana si skola te avela jekh chansa pala e schema, vaj kana getol e skola vaj sar shibako alojimos. O gindo mit o sicarimos si te barol la glatako shibako zanglimos, te vazdes opre lengo kulturako zanglimos aj te den duma duj shiba.

Daki shib shaj alos korkoro khatar o tad aj e dej, numa musaj te rodes khatar e komunaki webrig e-azutimos (webrig). Svako elevo le sicarimos khatar 40 zi kaj 60 minutori svako kurko. Sicarimaskigrupa shaj avel ke si le elevori khatar kaver klasori vaj si le bersh pashe. Shibako zanglimos shaj avel pe difirenti levelo.

Po mishtimos te avel ciro rodejimos!

Sicarimos ande daki shib po nationalne minoritengo shib

Skellefteå komuna den tut sicarimos ande daki shib po nationalne shib po finishitska, jiddisch, meänkieli, romani shib aj samiska ande profundoski skola khatar e klasa 1-9. O gindo mit o sicarimos si te barol la glatako shibako zanglimos, te haznil pesko zanglimos aj pesko kulturako historija aj ke biril te del duma pherdo shiba

Elevo kaj si khatar jekh khatar le nationalne minoritetori si len cacimos kaj sicarimos ande daki chib po minoritengo shib, khate ci dikhas sode zanel e glata.

Minoritengo shib biris te gines pe duj linjori

  • Linja 1: o elevo si les profundosko zanglimos ande shib, sar eksemplo ke del duma khere svako dzes e shib
  • Linja 2: Elevori kaj si neve aj ci birin te den duma e shib

Elevori kaj si la vaj naj la zanglimos ande shib ginel pala kaver skolake planori aj si len kaver punkto ando sicarimos, numa maladol pe pala savo skolako plano ginen. Sicarimos ande daki shib lel pe pala o sicarimasko plano pala profundosko skola (LGR22).

Te si jekh elevo kaj si nationalno minoriteto rom aj avel khatar jekh kaver them shaj avel kaj o elevo sicarimos ande daki shib pe duj shiba te avela ke si musaj.

Daki shib shaj alos korkoro khatar o tad aj e dej, numa musaj te rodes khatar e komunaki webrig e-azutimos (webrig). Svako elevo le sicarimos khatar 40 zi kaj 60 minutori svako kurko. Kana e glata la pe ando sicarimos musaj te phiren zipon getol vaj shaj alos te des ciro skamin kaj jekh kaver zeno.

O sicarimos site avela kana si skola te avela jekh chansa pala e schema, vaj kana getol e skola vaj sar shibako alojimos. Sicarimaskigrupa shaj avel ke si le elevori khatar kaver klasori vaj si le bersh pashe. Shibako zanglimos shaj avel pe difirenti levelo. Kana si pa romane elevori khatar thema shaj avel ke keren kaver fjalo te avela musaj.

Po mishtimos te avel ciro rodejimos!

Sicarimos ande angluni skola

E angluni skola trubon te vazden opre elevori kaj si len kaver daki shib khatar sveditska te barol aj te haznin lengo zanglimos ande shib. Khatar o sicarimos aj lenge aktivitetori ande angluni skola trubon te den len chansa te den duma vi sveditska aj vi pengi daki shib. Khatar klasa 1 si chansa te rodes sicarimos ande daki shib.

Pala o zakano pa nationalne minoritetori aj minoritenge shiba trubon le glati aj ternimata kaj si minoriteto judovori, rom, same, sveditska finishanori aj tornedalingar trubon inke maj but te zoravon, te baron aj te hazin pengo kulturako identiteto aj pengi shib. Gaday trubol e skola te keren bushi te len sama aj te vazden opre minoritengo shib aj kultura.

Elevori trubon te len pherdo chansori te haznin pengi shib te den duma svako dzes aj vi ande sveditska ande skolake aktivitetori. E skola lel azutimos khatar gilia, khelimos aj paramicia po elevengo minoritengo shib, te shaj vazden opre lengo shib aj kulturako identiteto.

Ansök om modersmålsundervisning (Länk till annan webbplats)
Senast uppdaterad: